يا ليت قوقلـ ..... شعر

بسم الله الرحمن الرحيم

يـا ليـت قــوقــل ...




بسم الله الرحمن الرحيم



السلام عليكم ورحمة الله وبركاته



هاذي قصيدة شدت أعجابي وأثرت فيني بصراحه بشكل كبير وأعجبتني بشكل كبير بصراحه وددت أن أنقلها لكم وأتمنى من يدخل على الموضوع يقراها كامله.....



لايازماني وراك اخــــذت بي دوره
تبي تزود هــواجيسي وغـــربالي



عقب مانفسي بمرتاحه ومســــروره
خليتني كني اللي فالخـــلا الخالي



ياليت قوقل يجيب الصوت والصوره
كود اني اشوف مخلوق على بالي



الارض في شاشته صارت كما الكوره
صناعة اللي عـــساهم مالهم تالي



وين انت ياللي عليك الكبد مفـــطوره
ودي بشـــــــوفك وشوفك ماتهيالي



انا بكـابل وهو بديـــار اخــو نــــوره
بيني وبينـه ميــات آلاف الاميالي



النفس صــــارت على فرقاه مجبوره
عزي لحاله من الفرقا وعـــزالــي



صوتي من البعد كنه وسط ماصوره
تعبت واحرقت كل اجهزة الارسالي



هذاك والله عــــــلاج القلب دكـــتوره
مــانيب عـن شوفتـه داله ولاسالي


الشاعر
بطي بن محماس الغربي العتيبي



أتمنى أن تنال أعجابكم وتحوز على رضاكم ..