عطر فاااااخر

يـادر ياياقـوت ... ياجوهـر المـاس
وياعطر فاخر .... من عطورات باريس
يصفى من الخمره على .. قاعة الكـاس
ويلذ واشهـى مـن .. زواج المعاريـس
بنيت وسط القلـب سـورٍ مـع سـاس
وشيدت قصر مشابه لقصـر .. بلقيـس
محصنٍ فـي .. منجنيقـات .. حـراس
مايسكنـه الا انــا وانــت وابلـيـس
ابليـس ثالثنـا نبـي مـنـه وســواس
خليـه دامـج تعشقـيـن الوسـاويـس
ساسج عريب وقالو .. السـاس دسـاس
مافيـه شـك ولايـعـرف الدنافـيـس
جيتي وانا محتـاس وأصبحـت لابـاس
ومن يوم بج شميـت عطـر النسانيـس
هزي كتفوج .. وانفحي باقـي الـراس
وخلـي القلايـد تسطفـق بالمحابـيـس
قالت .. عمر .. حبي لك اغلى من الناس
وماهـو مثـل ليلـه لمجنونهـا قـيـس
قلـت الهـوى ويـاج لاشـك نومـاس
لايابعـد مـن نـال كــل النوامـيـس
يابنـت حبـي ماأضـن فيـه مقـيـاس
حبي تعـدى فـي غـلاج .. المقاييـس
محتاس والله ماأضـن صـرت محتـاس
مادامنـي شفـت العيـون النواعـيـس
ياعلنـي يابـنـت ماصـيـر نــداس
وياعـل يفدونـج جمـيـع الملاحـيـس
طير النـداوي فيـه وحشـي وقرنـاس
ومن يوم شفتـج قلـت ويـن القرانيـس
شيهانهٍ ترقين فـي ... روس الاطعـاس
مابرقعـوج اهـل الجيـوب المطاعيـس
مخصوص للي يجلـب العلـم نبـراس
شاعـر ولبـس فـروة الشعـر تلبيـس
هوجـاس شعـره مايقـارن بهوجـاس
هوجاسه العن مـن جميـع الهواجيـس
لاوسوس ... الماخوذ .. بالشعر خنـاس
قمـت اتفنـن واتعـوذ مــن ابلـيـس
وحلقت كنـي ابـن فرنـاس .. عبـاس
طاير واحس انـي مثـل نفخـة الكيـس
والشعـر عنـدي ماحفضتـه بـكـراس
وعمري ابـد ماجبـت بالشعـر تمقيـس
امـا يجينـي مـن معانـات واحسـاس
والا بـلاش ومابقـى منـه ... تهليـس